Góð ráð þegar þú kælir og frystir

Gamalt máltæki hermir að „of margir kokkar klúðri súpunni“, en lélegt hráefni er sýnu verra. Hér eru því nokkur ráð af markaðnum, sem gott er að hafa í huga þegar þú fyllir innkaupakörfuna þína.

Eitt er að finna bestu hráefnin, töluvert annað að átta sig á bestu geymsluaðferð. Sumu farnast best í hlýju umhverfi, öðru í köldu, sumt hráefni þarf þurrt andrúmsloft, annað rakt, sumt fer ágætlega nálægt öðrum varningi, annað þarf að vera eitt og sér. Ringlandi? Lestu áfram.

Meðalheimili hendir yfir 100 kíló af grænmeti og öðrum matvælum á ári. Ár eftir ár. Árið inn og árið út. Þennan risavaxna haug má að nokkru leyti skrifa á ranga meðferð við geymslu varnings. Lestu um kælisvæðin þrjú hér í kaflanum Kaldur, kaldari, kaldastur.

Æ-æ, ekki þó aftur! Þú leitar í örvæntingu að laxinum sem þú komst svo stolt fyrir í frystinum þegar þú hafðir veitt hann. Þú leitar og leitar, gegnum endalausar hrúgur af pokum með baunum og gulrótum, sem eru fastir við frystinn því þú hefur ekki alveg komist í að afþíða skápinn nýlega.

Þarna stendurðu með hálffulla skál af fersku guacamole og leitar í skápunum að einhverju til að geyma það í. Pappír? Álpappír? Plastfilmu? Plastdollu? Þú klórar þér í höfðinu, eins og það gæti hjálpað minninu af stað. Þú bara manst ekki hvernig best er að pakka vörum og geyma þær. Hér eru nokkur ráð ef klórið virkar ekki.

Mundu að þvo þér um hendurnar. Mundu að þrífa hnífinn. Mundu að þvo viskustykkið; eins og krakkana – þú skilur þá ekki eftir skítuga dögum saman! … Gættu þess að gleyma engu. Byrjaðu á að lesa ráðin á næstu síðum – hreinlætisins vegna!

Hví skyldirðu vesenast með humarhala klukkustundum saman eða hræra saman tilkomumikla Provence fiskisúpu – til að bera síðan matinn fram á borði fullu af maurum? Hvers vegna töfra fram framandi mangó-sorbet ef eina minning gestanna verður fnykurinn sem barst úr ísskápnum þegar þú tókst sorbetinn fram?