Eitt er að finna bestu hráefnin, töluvert annað að átta sig á bestu geymsluaðferð. Sumu farnast best í hlýju umhverfi, öðru í köldu, sumt hráefni þarf þurrt andrúmsloft, annað rakt, sumt fer ágætlega nálægt öðrum varningi, annað þarf að vera eitt og sér. Ringlandi? Lestu áfram.
Hér er semsagt vandamálið. Þú ert nýkomin/n heim frá markaðnum eða úr versluninni og stendur í eldhúsinu með allan varninginn þinn og veltir því fyrir þér hvar í ósköpunum þú kemur öllu fyrir. Matur getur, líkt og fólk, verið blekkjandi. Mjólkin fer vitaskuld í ísskápinn, en hvað með appelsínurnar … eiga þær að vera kaldar eða svalar? Hvað með ananasinn? Heyrðirðu ekki einhvers staðar að hvítlaukur ætti að geymast kaldur? Hmmm … efinn læsir í þig klónum. En hjálpin er á næsta leiti. Á næstu blaðsíðum finnur þú gagnlegar leiðbeiningar til að raða matnum eftir. | 
