Gamalt máltæki hermir að „of margir kokkar klúðri súpunni“, en lélegt hráefni er sýnu verra. Hér eru því nokkur ráð af markaðnum, sem gott er að hafa í huga þegar þú fyllir innkaupakörfuna þína.
Ekki einu sinni mestu matgæðingar geta sett saman lystuga ananas-eftirrétti úr brúnum, ofþroskuðum ananas. Og færasti meistarakokkur gæti ekki breytt grænum spírandi kartöflum í gómsætar heimatilbúnar, eiturefnalausar franskar. Þú þarft að byrja með besta hráefni í höndunum. Hráefnið er hjarta máltíðarinnar – ef hráefnið er ekki nógu gott verður útkoman það ekki heldur. Þegar þú ætlar að heilla vini, fjölskyldu eða ástvin skiptir sköpum að fylla innkaupakörfuna með réttum varningi. Og hvernig gerir maður það ef maður er ekki fæddur kokkur? Notaðu skynfærin: lyktaðu, horfðu, hlustaðu. | 
