Svona finnur þú besta hráefnið

Fleiri ráð af markaðnum

Grænmeti

Agúrka	Gljáandi, dökkgrænt hýði. Föl og lin agúrka með blettum er ekki túskildings virði.
Þistilhjörtu	Bústin hjörtu eru kjötmeiri og bragðbetri. Þau má finna fersk og græn allan ársins hring. Ekki kaupa þistilhjörtu með dökkbrúnan eða svartan odd.
Eggaldin	Ætti að síga í, létt eggaldin eru gömul. Mikilvægt er að stilkurinn sé ferskur og grænn.
Avókadó	Avókadó getur verið grænt eða brúnt, gljáandi eða yrjótt án þess að það segi nokkuð um gæðin..
Blómkál	Gættu að frísklegum laufblöðum. Hausinn ætti að vera hvítur eða beinhvítur.
Spergilkál	Springandi af heilbrigði og grasgrænum lit. Þreytulegur spergilkálhaus er eins og þreytulegur gestgjafi – ekki fólki bjóðandi.
Fennika	Leitaðu að grænum litbrigðum en gættu þess að hún sé án brúnna bletta.
Gulrætur	Kraftmiklar appelsínugular gulrætur hafa mest til brunns að bera.
Paprika	Því stærri sem paprikan er, því mildara er bragðið. Rauðar paprikur eru sætastar. Ef paprika er raunverulega fersk er hún laus við rispur, rákir og bletti. Yfirborðið ætti að vera slétt og gljáandi.
Salat	Ætti að ljóma af frískleika. Þó að ytri blöðin geti verið lin skaltu ekki láta það á þig fá, yfirleitt leynist stinnt og stökkt höfuð þar undir.

Ávextir

Sítrónur	Kringlóttar sítrónur eru safaríkari en ílangar. Því gulari sem sítrónan er, því meira inniheldur hún af C vítamíni. Grænar sítrónur ætti að forðast eða farga þeim.
Fíkjur	Ferskar fíkjur ættu að „svitna“ litlum dropum af safa sem gefur yfirborðinu gljáa.
Greip	Ávextirnir með þynnsta hýðinu eru safaríkastir.
Kíví	Þroskað kíví ætti að gefa eilítið undan ef þú þrýstir létt þar sem stilkinn bar við. Ef ávöxturinn er of linur er hann trúlega þegar tekinn að gerjast.

Kjöt

Önd	Veldu kvenkyns önd frekar en stegg, kjöt kvenandanna er þéttara í sér. Fitan ætti að vera hvít frekar en gulleit.
Nautakjöt	Ætti að vera rautt en ekki brúnleitt.
Kjúklingur	Gleymdu slátraranum, láttu stórmarkaðinn eiga sig, slepptu markaðnum og keyrðu út í sveit til nærliggjandi bónda með frívappandi hænsn. Þau bragðast best.

Fiskur

Fiskur	almennt Á að bera með sér ferskan ilm af hafi eða þangi. Augu fiska ættu að vera skýr (og þrútin), hreistrið gljáandi og uggarnir vel fastir við búkinn. Holdið ætti að vera þétt viðkomu og „skreppa til baka“ þegar þú þrýstir á það með fingrunum. Athugaðu að tálknin séu rauð og hvorki föl né slímug.
Kræklingur	Skal matreiðast lifandi. Þú getur athugað hvort kræklingurinn er á lífi með því að leggja skel á eldhúsbekkinn – ef fiskurinn er lifandi mun skelin opnast. Leiki enn vafi á um málið geturðu slegið létt í borðbrúnina. Lokist skelin umsvifalaust er fiskurinn áreiðanlega enn á lífi.
Flatfiskur	Ef þú ert í einhverjum vafa um ferskleika flatfisks skaltu steikja hann. Ferskur flatfiskur skreppur saman á pönnunni.
Reykt síld	Ætti að vera einsleit að lit og óskorin, til að dökkbrúnt hreistrið komist ekki í snertingu við kjötið – annars verður til sápubragð.
Síld	Silfurlitað hreistur. Kviður hennar má alveg vera mjúkur en hún ætti ekki að vera með skurði eða glufur. Forðast skal langa mjóa síld.
Þorskur	Þorsk er best að kaupa kaldari mánuði ársins. Kjötið verður lausara í sér í hlýindum, þegar hann nærist betur, öfugt við vetrarmánuðina og hamskiptatímabilin að vori.