Úr pirrandi pestum í uppþvottahanska
Hví skyldirðu vesenast með humarhala klukkustundum saman eða hræra saman tilkomumikla Provence fiskisúpu – til að bera síðan matinn fram á borði fullu af maurum? Hvers vegna töfra fram framandi mangó-sorbet ef eina minning gestanna verður fnykurinn sem barst úr ísskápnum þegar þú tókst sorbetinn fram?
Hugsanlega er húsmæðraskólinn ekki svo slæm hugmynd, þegar allt kemur til alls. Að halda eldhúsi til haga er ekki heiglum hent. Hvernig sóparðu til dæmis gólfið án þess að úr verði rykský sem þyrlar skítnum í hringi frekar en hrekja hann í ruslafötuna? Hvernig færðu maura til að hverfa án þess að nota rammgerð skordýraeitur sem leysa upp búta úr eldhúsgólfinu í leiðinni? Og hvernig þværðu burt rauðrófusafann sem nuddaðist á hendurnar á þér? Á næstu síðum svörum við þessum spurningum, og fleiri til, með nokkrum góðum ráðum. | 
