Mundu – hreinlætisins vegna
Mundu að þvo þér um hendurnar. Mundu að þrífa hnífinn. Mundu að þvo viskustykkið; eins og krakkana – þú skilur þá ekki eftir skítuga dögum saman! … Gættu þess að gleyma engu. Byrjaðu á að lesa ráðin á næstu síðum – hreinlætisins vegna!
Við vitum betur. Flest þekkjum við hryllingssögur af stórum kvöldverðarboðum sem eyðilögðust vegna óvæntrar matareitrunar. Flest munum við líka eftir heilræðum matreiðslukennarans vel meinandi um almennilegt heimilishald. Réttþenkjandi foreldrar bergmála orð sinna eigin foreldra þegar þeir spyrja börnin sín elskulegu: Mundirðu að þvo þér um hendurnar? Við vitum hvernig forðast má bakteríusýkingar í eldhúsinu. Engu að síður má víst alveg kveða þessa góðu vísu aftur og aftur. Almennilegt hreinlæti er nauðsyn bæði í eigin kroppi og í eldhúsinu þegar unnið er með mat. Lestu eftirfarandi og leggðu það á minnið – þó ekki væri nema til að forðast símtöl frá fárveikum og bálreiðum kvöldverðargestum daginn eftir boðið góða. | 
