| Úrbeiningarhnífur |
Hann er gott að eiga ef þú skerð eigið kjöt í bita. Einnig getur verið gott að nota hann við að úrbeina stóra alifugla eða villibráð eða til að skera nautalundir í sneiðar. |
| Brauðhnífur |
Fyrir brauð, að sjálfsögðu, en einnig fyrir stærri hluti eins og kálhöfuð, grasker og vatnsmelónur. |
| Kjöthnífur |
Yfirleitt notaður þegar skera á steik eða alifuglakjöt. Lögun hnífsins og bit gerir hann að besta hnífnum til að skera þunnar sneiðar eins og til dæmis við gerð sashimis. |
| Kokkahnífur |
Þetta er líklega gagnlegasti og dýrmætasti hnífurinn í eldhúsinu. Þú getur notað hann í næstum því allt sem þarf að skera, sneiða eða saxa. |
| Kryddhnífur |
Tekur við þar sem kokkahnífurinn strandar, það er að segja þegar unnið er með smá hluti. Til dæmis þegar skræla þarf grænmeti eða skera og skræla ávexti. |
| Fjölnota |
hnífur Góður hnífur til almennra nota. Gott er að skera með honum pylsur og osta í smáa og fínlega bita. Góður í hádegisverðinn og lautarferðina. |
| Kjötvinnsluhnífur 18 sm |
Sérlega góður til að búta niður kjöt og sneiða kjötálegg. |
| Kjöthnífur 22-23 sm |
Til að skera kjöt sem verið er að framreiða. Til að sneiða svínakjöt og önnur stór kjötstykki. |
| Chartreuse-hnífur |
Fyrir skapandi kokka. Hentar vel til að skera skrautmunstur í grænmeti (til dæmis gulrætur, gúrkur og kartöflur). Sérstakt hnífsblað með sagtenntri brún. |
| Söxunarhnífur 21 sm |
Auðveld leið til að saxa grænmeti. Einnig hægt að nota í pítsur og grænmeti sem á að nota í salöt eða snöggsteikja. Einnig má nota hann í kjöt og fisk. |
| Flökunarhnífur 18-24 sm |
Til þess að flaka fisk og skera niður kjöt. |
| Spekkhnífur |
Gott að nota til að skera skinku í næfurþunnar sneiðar eða skera og aðskilja deiglög. Hægt er að nota hann á svipaðan hátt og flökunarhníf. |
| Japanskur santuko-hnífur 17 sm |
Sitt lítið af hverju. Til dæmis góður til að skera eða höggva kjöt í bita. |
| Japanskur grænmetishnífur 14-18 sm |
Til að skera og sneiða kál og grænmeti. |
| Kjötöxi 16 sm |
Góð til að skera heila stóra skurði í kjöt og svínaskammrif. |
| Skrælihnífur 5 sm |
Hentar vel til að gera súkkulaðispæni eða skera Parma-ost. Einnig er gott að fjarlægja með honum skemmdir eða skræla kartöflur, ávexti eða grænmeti. |
| Laxahnífur 32-33 sm |
Sker lax og annan fisk í næfurþunnar sneiðar. Einnig er gott að skera með honum grænmeti í örþunnar sneiðar og kjöt í carpaccio. Suma grænmetishnífa má nota sem alhliða eldhúshnífa. |
| Steikarhnífur 12-22 sm |
Góður til að skera steikur og kótilettur. |
